Dans og söngvamyndin Abbababb er frumsýnd í dag en mikil tilhlökkun hefur verið hjá krökkunum sem koma fram í myndinni. Myndin er byggð á samnefndri barnaplötu Gunnars Lárusar Hjálmarssonar, sem er betur þekktur undir nafninu Dr. Gunni. Við hittum leikstjóra myndarinnar og þrjá unga leikara sem fara með aðalhlutverk í myndinni.

Rætt við Arnbjörgu Maríu Danielsen sem er ásamt Thomasi Schaupp listrænn stjórnandi hátíðarinnar Goethe Morph Iceland. Listahátíðin er samstarfsverkefni Goethe Institut og Norræna hússins. Við kynnumst einnig sýningunni Growing body of evidence sem er hluti hátíðarinnar og opnar samhliða í Hvelfingu Norræna hússins.

Að lokum ræðum við við aðstandendur heimildarmyndarinnar Velkominn Árni. Á áttræðisaldri kemst Árni Jón Árnason óvænt að því hver faðir hans kann að vera. Heimildarmyndin Velkominn Árni fjallar um ferðalag hans til Bandaríkjanna, í leit að uppruna sínum. Rætt við Viktoríu Hermannsdóttur og Allan Sigurðsson.