Maður særðist í skotárás í miðbæ Reykjavíkur um helgina. Nokkrum dögum áður voru karl og kona fyrir skoti í Grafarholti og skemmst er að minnast kaldrifjaðrar aftöku í Rauðagerði. Hefur orðið eðlisbreyting á undirheimum Reykjavíkur með tíðari notkun skotvopna? Ef svo er, hvað þýðir það fyrir öryggi borgaranna og lögreglu? Bergsteinn ræðir við Grím Grímsson yfirlögregluþjón og Margréti Valdimarsdóttir, dósent í lögreglufræðum við Háskólann á Akureyri,

Mikil ofankoma hefur raskað samgöngum viða um land. Á höfuðborgarsvæðinu hamast snjómokstursmenn við að ryðja götur og vegi, en komast oft í hann krappann sjálfir eins og Guðrún Sóley komst að upp á Hólmheiði.

Sjónvarpsþættirnir Verbúðin hafa slegið rækilega í gegn, bæði hjá þeim sem muna þá tíma sem þættirnir gerast á en ekki síður yngri kynslóðum. Í vesturbænum hefur ungur vinahópur hist vikulega til að horfa á Verbúðina. Í tilefni lokaþáttarins efndi hann til pálínuboðs, þar sem andi 9. áratugarins sveif yfir vötnum.