Karlmaður sem var dæmdur ósakhæfur eftir líkamsárás 2017 situr enn á réttargæsludeild þótt allir séu sammála um að þar eigi hann alls ekki heima. Ár er liðið frá því að fjallað var um mál hans í fréttum og úrbótum lofað, en ekkert hefur gerst. Þau Jón Þorsteinn Sigurðsson réttargæslumaður, Ingibjörg Gróa Gunnarsdóttir og Hafrún Kolbeinsdóttir fóru yfir málið.

Dönsk heilbrigðisyfirvöld létu koma lykkjunni fyrir í að minnsta kosti 4500 grænlenskum unglingsstúlkum án þeirrar vitundar á sjöunda áratugnum til að hægja á fólksfjölgun í landinu. Málið hefur vakið mikla reiði á Grænlandi. Kastljós ræddi við Ingu Dóru Guðmundsdóttur Markussen.

Listahátíð Reykjavíkur hófst í dag og hluti hennar, jafnvel hjartað, verður Klúbbur Listahátíðar sem opnar í Iðnó á föstudag. Þar er þétt dagskrá sem er öllum opin og ókeypis, Kastljós leit við í Klúbbnum og kynnti sér nokkra viðburði.