Við fengum Ásmund Einar Daðason mennta- og barnamálaráðherra til okkar til að spyrja hann nánar út í þær breytingar sem hann hefur boðað á skólakerfinu.

Við fjölluðum um nýja nálgun í meðferð við offitu og lærðum að þær hugmyndir sem við höfum um hitaeiningar og brennslu eru kannski að einhverju leyti úreltar. Við tölum við sérfræðing í meðferð í þyngdarstjórnun, Erlu Gerði Sveinsdóttur lækni, sem segir að það geti hreinlega verið skaðlegt fyrir suma að hreyfa sig meira og borða minna.

Svo ræddum við við Tinnu Hallgrímsdóttur, forseta ungra umhverfissinna, um mótmæli samtakanna Just stop oil í listasafni í London, þar sem tómatsúpu var skvett yfir málverk eftir Van Gogh.