Verkalýðshreyfingin hefur kallað eftir skýrum svörum frá stjórnvöldum um aðkomu þeirra að kjarasamingagerð. Katrín Jakobsdóttir, forsætisráðherra, sat fyrir svörum og ræddi um samningana, þjóðaröryggismál og margt fleira.

Kvikmyndin Leynilöggan er tilnefnd í flokki gamanmynda á evrópsku kvikmyndaverðlaununum sem verða afhent í Hörpu á laugardag. Rætt við Hannes Þór Halldórsson, leikstjóra myndarinnar, sem jafnframt er einn handritshöfunda og líklega eini leikstjórinn í heiminum sem hefur líka varið víti frá Messi á heimsmeistaramóti.

Í gilinu á Akureyri er fjöldi listasýninga sem sýnir fjölbreytta list, þar sem unnið er með textíl, vatnsliti og grafík. Kastljós brá sér til Akureyrar og ræddi við listamennina og aðstandendur sýninganna.