Loftslagsráðstefna Sameinuðu þjóðanna, COP 27, lauk í Egyptalandi í gær Henni hefur bæði verið lýst sem sögulegri, því þar náðist samkomulag um loftslagsbótasjóð fyrir fátækari ríki heims, en líka sem vonbrigðum - því ekkert var gert til að draga úr losun gróðurhúsalofttegunda umfram það sem áður var ákveðið. Svandís Svavarsdóttir matvælaráðherravar á ráðstefnunni og gerði hana upp í Kastljósi, auk þess að segja frá nýrri matvælastefnu Íslands.

Lögreglan man ekki eftir öðrum eins átökum í undirheimum og í tengslum við hnífastunguárásina í Bankastræti fyrir helgi, sem hefur getið af sér ýmiskonar hefndaraðgerðir og hótanir. Hátt í 30 hafa verið handtekin, allt niður í nítján ára ungmenni, og tíu dæmd í gæsluvarðhald. Lögreglan óttast að enn frekari átök. Margeir Sveinsson fór yfir stöðuna í Kastljósi.

Milli þess sem Árni Helgason horfir út um gluggann með kaffibolla í hönd og nýtur kyrrðarinnar í Örlygshöfn í Patreksfirði, ferðast hann til landa á borð við Simbabve og Saudí-Arabíu. Kastljós spjallaði við þennan víðförla Vestfirðing.