Flakk

13042019 - Flakk - Flakk um Urriðaholt í Garðabæ

Það hefur tekist misjafnlega að skipuleggja ný hverfi undanfarin ár. Grafarholt og Grafarvogur eru orðin nokkuð gróin, en ýmislegt við þau að athuga svona eftir á að hyggja. Nú rísa ný hverfi á höfuðborgarsvæðinu hvert á fætur öðru, sum hefðbundin en í öðrum er verið að þróa nýjar leiðir. Staðarandi er eftirsóttur, en er hægt að búa hann til, er staðarandi ekki fyrirbæri sem verður til með tíð og tíma. Í Urriðaholt í Garðabæ er ferið að gera ýmislegt nýtt í skipulagi. Skipulag Urriðaholts einkennist af nýrri hugsun. Unnið er frá grunni með sjálfbæra þróun, fjölbreytileika og virðingu fyrir umhverfi og samfélagi að leiðarljósi. Áhersla er lögð á gæði byggðarinnar og heilbrigt og aðlaðandi umhverfi. Nýjar leiðir hafa verið farnar til að ná því markmiði, svo sem með ákvæðum í skipulagi, landmótun, gatnahönnun og meðhöndlun ofanvatns. Við heimsækjum þetta nýja hverfi í Garðabæ í dag en nú þegar er flutt inn í mörg húsanna. Gestir þáttarins í dag eru Gunnar Einarsson bæjarstjóri Garðabæjar og Baldur Ó. Svavarsson arkitekt hjá Úti og inni, en hann hannaði m.a. skólann í hverfinu. En fyrst skoðum við hverfið með Agli Guðmundssyni arkitekt frá Arkís, en hann er einn höfunda deiliskipulags hverfisins.

Frumflutt

13. apríl 2019

Aðgengilegt til

Rennur ekki út

Lísa Pálsdóttir flakkar um borg og bý.