Kvöldfréttir

Lögreglumál, eldgos, peningaþvætti og Gaza

Ný skýrsla ríkislögreglustjóra segir helsta áhættuþátt peningaþvættis á Íslandi vera reiðufé. Mikil áhætta er einnig talin af sýndareignum líkt og rafmyntum.

Mál mannsins sem handtekinn var á aðfangadag verður líklega tekið fyrir af nefnd um eftirlit með störfum lögreglu segir formaður nefndarinnar.

Líkur á öðru eldgosi á Reykjanesskaga aukast með degi hverjum og líklegt að þar gjósi á næstu vikum. Jarðvísindamaður segir tilraunarinnar virði að reisa varnargarða utan um Grindavík, sé horft til fyrri gosa. Rætt við Magnús Tuma Guðmundsson

Leiðtogar Ísraels og forsvarsmenn hersins vara Hamas-liða við að átökin á Gaza eigi eftir að vara í marga mánuði. Talsmenn Ísraelshers segja nokkur vandkvæði fólgin í að koma neyðarvistum inn á Gaza, þar sem mannúðarkrísa ríkir. Á Austurvelli kom hópur flóttafólks saman til að þrýsta á um að ættingjar þeirra fái að koma til landsins á grundvelli fjölskyldusameiningar.

Bresk stjórnvöld eru hætt við áætlanir um að leggja metrakerfinu, vegna almennrar andstöðu.

Skíðafólk fjölmennti upp í Bláfjöll í dag þar sem veður og færð voru með besta móti. Framkvæmdastjórinn Magnús Árnason man varla eftir öðru eins, en talsverðar raðir mynduðust við lyftur og í miðasölu.

Frumflutt

27. des. 2023

Aðgengilegt til

26. des. 2024

• 00:01:10 Nefnd um eftirlit með störfum lögreglu
• 00:02:30 Vísindaráð
• 00:03:52 Áhættumat lögreglu á peningaþvætti
• 00:05:23 Staðan á Gaza
• 00:06:05 Palestínumótmæli
• 00:06:42 Bretar falla frá því að afleggja metrakerfið
• 00:08:26 Bláfjöll
• 00:09:33 Veður

Kvöldfréttir útvarps