Allt bendir til þess að Þjóðfylking Marine Le Pen hafi unnið stórsigur í fyrri umferð þingkosninganna í Frakklandi. Belgískir miðlar hafa birt útgönguspár sem sýna að flokkurinn fær hátt í þrjátíu og fimm prósent atkvæða.
Neytendasamtökin vilja að framleiðendum verði gert skylt að merkja vörur sínar sérstaklega ef þeir hafa dregið úr magni í umbúðum án þess að lækka verð.
Hálf öld er í dag síðan fyrstu einkennisklæddu lögreglukonurnar tóku til starfa hérlendis. Lögreglustjórinn var þeirra maður segir önnur en sumir samstarfsmennirnir voru tortryggnir.
Irma Gunnarsdóttir og Erna Sóley Gunnarsdóttir slógu eigin Íslandsmet í frjálsum íþróttum í dag, Irma í þrístökki og Erna Sóley í kúluvarpi.
