Kvöldfréttir

Innrás Ísraels vofir yfir Líbanon, íshellaferðir byrja á morgun og nýtt námsmat

Bandaríkjaforseti biður stjórnvöld í Ísrael að ráðast ekki inn í Líbanon. Ísrael kveðst reiðubúið að beita öllum brögðum gegn Hezbollah og innrás gæti hafist hvenær sem er.

Matsferill – nýtt samræmt námsmat í stað samræmdra prófa – kemst brátt í gagnið í grunnskólum landsins.

Íshellaferðir á Breiðamerkurjökli og Falljökli ættu að geta hafist á morgun eftir samþykkt stjórnar Vatnajökulsþjóðgarðs síðdegis.

Makríll, kolmunni, norsk-íslensk vorgotssíld og úthafskarfi eru öll ofveidd. Alþjóðahafrannsóknarráðið leggur til að aflaheimildir verði minnkaðar nema í síld þar sem stór árgangur kemur inn í veiðistofninn.

Fundi í kjaradeilu Eflingar og Samtaka fyrirtækja í velferðarþjónustu verður fram haldið á morgun. Formaður Eflingar segir það merkja að skriður sé á viðræðum.

Ólafur Ragnar Grímsson fór hörðum orðum um Davíð Oddsson í dagbókum sínum þegar þeir stóðu sitthvoru megin víglínunnar í fjölmiðlamálinu 2004. Forsetinn þáverandi sagði að það væri lán að forsætisráðherrann hefði hvorki her né leynilögreglu til að beita.

Frumflutt

30. sept. 2024

Aðgengilegt til

30. sept. 2025

• 00:01:14 Biden biðlar til Ísraela
• 00:02:31 Þjóðgarður opnar á íshellaferðir
• 00:03:13 Matsferill - Nýtt námsmat
• 00:04:53 Fundi frestað í Eflingardeilu
• 00:06:22 Leggja til 22% samdrátt í makríl
• 00:08:10 Deilt á Davíð í dagbókum forseta
• 00:09:51 Sækja strandaglópa í geimnum

Kvöldfréttir útvarps