Lögreglustjórinn á Suðurnesjum segir fjármálaáætlun stjórnvalda til ársins 2029 of almenna og erfitt að sjá hvað í henni felst. Honum líst ekki á þær aðhaldskröfur sem gerðar eru til embættis hans.
Robert Fico, forsætisráðherra Slóvakíu, sem særðist lífhættulega í skotárás í gær, er með meðvitund og fær um að tala, en mjög máttfarinn. Þetta sagði Peter Pelligrini, bandamaður Ficos og verðandi forseti landsins.
Dómsmálaráðherra segir breytingar á útlendingalögum nauðsynlegar til að draga úr kostnaði og fækka umsóknum um alþjóðlega vernd. Önnur umræða um frumvarpið hófst á Alþingi í dag.
Skipstjóri og tveir stýrimenn flutningaskipsins Longdawn hafa verið handteknir vegna gruns um að hafa siglt á strandveiðibát út af Garðskaga í nótt. Ekki er talið að um ásetning hafi verið að ræða.
Lögreglan á Norðurlandi eystra hefur til rannsóknar ofbeldisbrot manns gegn konu fyrir utan Götubarinn í miðbæ Akureyrar.
Suður-Afríka fer fram á það við Alþjóðadómstólinn í Haag að hann krefjist þess að Ísrael láti af hernaðaðgerðum. Ísraelar segja engan fót fyrir ásökunum Suður Afríku.
Umsjón: Ævar Örn Jósepsson og Alexander Kristjánsson
Tæknimaður: Mark Eldred
Stjórn útsendingar: Annalísa Hermannsdóttir.
