Líklegt er talið að Katrín Jakobsdóttir forsætisráðherra tilkynni um forsetaframboð á morgun. Formenn Framsóknar- og Sjálfstæðisflokks og varaformaður Vinstri grænna semja nú um framhald stjórnarsamstarfsins.
Bjarkey Olsen Gunnarsdóttir, varaformaður þingflokks VG, segist ekki reikna með að ráðherrafjöldi flokksins breytist ef formaðurinn tekur af skarið og býður sig fram.
Joe Biden Bandaríkjaforseti kallaði í dag eftir tafarlausu vopnahléi á Gaza og krafðist þess að Ísraelar gripu til aðgerða til að koma í veg fyrir að óbreyttir borgarar væru drepnir í hernaðaði Ísraela þar.
Landris mælist á ný við Svartsengi á Reykjanesskaga, og engar vísbendingar eru um að eldgosinu sé að ljúka, segir Kristín Jónsdóttir deildarstjóri hjá veðurstofu Íslands.
Starfsfólk sjúkrahúss í Prag sendi ranga konu í þungunarrofsaðgerð, fyrir misskilning. Stjórnandi sjúkrahússins harmar mistökin og býður konunni aðstoð.
Starfshópur á vegum Reykjavíkurborgar hefur lagt fram tillögur að aðgerðum til að stemma stigu við reiðhjólaþjófnaði á höfuðborgarsvæðinu. Hátt í 1.700 sautján hundruð tilkynningar um reiðhjólaþjófnað bárust frá 2021 til 2023.
Umsjón: Ævar Örn Jósepsson og Andri Yrkill Valsson
Tæknimaður: Mark Eldred
Stjórn útsendingar: Valgerður Þorsteinsdóttir
