Sjötíu og tveir palestínskir flóttamenn komu til landsins í dag. Utanríkisráðuneytið hefur unnið að því síðustu vikur að koma fólkinu til landsins. Alexander Kristjánsson sagði frá og talaði við Mahmoud, einn flóttamanninn.
Reglugerðardrög um sjálfbæra landnýtingu eru enn ein tilraunin til að vega að íslenskum landbúnaði, segir Sigmundur Davíð Gunnlaugsson, formaður Miðflokksins. Hann segir að sauðfjárrækt myndi leggjast af á stórum svæðum. Brynjólfug Þór Guðmundsson ræddi við hann.
Flytja á hjálpargögn sjóleiðina frá Kýpur til Gaza til að slá á mannúðarkrísuna þar. Setja þarf upp bráðabirgðabryggju til að það gangi upp. Brynjólfur Þór Guðmundsson tók saman.
Ný Straumsvíkurhöfn gæti kostað að minnsta kosti fjórtán milljarða króna. Höfnin er liður í innviðauppbyggingu í tengslum við verkefni Carbfix, Coda Terminal. Valur Grettisson sagði frá.
Stefnt er að því að ný þjóðarhöll í Laugardal verði tekin í notkun eftir þrjú ár. Í dag hófst útboð fyrir hönnun hennar. Alexander Kristjánsson tók saman. Einar Þorsteinsson borgarstjóri í Reykjavík, og Ásmundur Einar Daðason, mennta og barnamálaráðherra, ræddu verkefnið.
Kennarar í Fjarðabyggð fóru í mótmælagöngu í dag og afhentu bæjaryfirvöldum rúmlega 750 undirskriftir gegn sameiningu skóla og uppstokkun í stjórnun skólanna. Rúnar Snær Reynisson tók saman. Rætt var við Þuríði Haraldsdóttur, leiðbeinanda í grunnskóla Reyðarfjarðar og Lísu Björk Bragadóttur, kennara í sama skóla.
