Forysta og samninganefnd Eflingar ræða í kvöld hvort boða eigi til verkfalls til að knýja fram launahækkanir. Sigríður Margrét Oddsdóttir, framkvæmdastjóri SA, segir samningagerð langt komna og vonast til að samningar takist innan skamms.
Viðvarandi læknaskortur er mjög alvarlegt mál segir Sigríður Dóra Magnúsdóttir, forstjóri Heilsugæslu höfuðborgarsvæðisins. Álag á alla heilbrigðisstarfsmenn er mikið og stór hluti vinnutíma lækna fer í að skrá upplýsingar. Um leið gefst minni tími til að sinna sjúklingum.
Maður sem lögregla telur eiga aðild að stærsta kókaínmáli Íslandssögunnar var handtekinn þegar hann kom til landsins í gær. Maðurinn hélt heim til Íslands frá Taílandi þegar Interpol lýsti eftir honum.
Hunter Biden, sonur Joe Biden Bandaríkjaforseta kemur fyrir þingnefnd fulltrúadeildar Bandaríkjaþings í dag. Nefndin ákveður hvort ákæra eigi forsetann fyrir spillingu.
Áframhald meirihlutasamstarfs Framsóknarflokks og Fjarðalista í Fjarðabyggð er til umræðu eftir að fulltrúi Fjarðalista greiddi ein atkvæði gegn tillögu þverpólitísks starfshóps um nýtt fyrirkomulag fræðslumála í sveitarfélaginu á bæjarstjórnarfundi í gær.
Umsjón: Ævar Örn Jósepsson
Tæknimaður: Magnús Þorsteinn Magnússon
Stjórn útsendingar: Valgerður Þorsteinsdóttir
