Síðdegisútvarpið

Sólmyrkvinn, öryggismál og spánarspjall

Fjarskiptastofa hvetur fjölmiðla til að minna ferðalanga á tvö mikilvæg atriði á ferð um landið, sérstaklega á afskekktum svæðum þar sem fjarskiptainnviðir geta verið viðkvæmir. Það væri frábært ef þetta væri áréttað í fréttavaktinni á sólmyrkvadaginn sjálfan og haldið á lofti fram eftir degi eftir því sem nær dregur almyrkvanum. Við heyrðum í Ólafi Aðalsteinssyni, sviðstjóra fjarskiptainnviða hjá Fjarskiptastofu.

Við tókum stöðuna hjá Lögreglunni á Suðurnesjum vegna umferðastýringa á morgun vegna Almyrkvans. Arnar Steinn Elísson, verkefnastjóri Almannavarna hjá Lögreglustjóranum á Suðurnesjunum var á línunni.

Og svo var það Jóhanni Hlíðar sem talaði við okkur beint frá Spáni þar sem hann fór yfir áhugaverðar fréttir úr sólinni.

Það var sagt frá því í fréttum í vikunni að skemmtiferðaskip hafi aldrei verið fleiri við landið en akkúrat núna í kringum Almyrkvann. Yfir 50 þúsund manns eru samtals um borð í skemmtiferðaskipum við landið og Landhelgisgæslan hefur væntanlega í nógu að snúast bæði hvað það varðar og almennt öryggi við landið. Auðunn f. Kristinsson er framkvæmdastjóri hjá Gæslunni og stýrir aðgerðum á morgun og við heyrðum í honum.

Á morgun verður bein útsending helguð almyrkva á sólu í Ríkissjónvarpinu og hefst útsending kl. eitt. Fréttamenn og dagskrárgerðarfólk er þessa stundina að koma sér fyrir á hinum ýmsu stöðum á landinu og einn þeirra er Sigurður Þorri Gunnarsson en hann er á Hellisandi hvar hann mun lýsa herlegheitunum í sjónvarpi allra landsmanna - við heyrðum í honum.

Guðrún Brá Björgvinsdóttir, Golfklúbbnum Keili í Hafnarfirði, er Íslandsmeistari kvenna í golfi annað árið í röð en í það fimmta sinn í það heila. Þar með sló hún met föður síns, Björgvins Sigurbergssonar, sem vann titilinn fjórum sinnum. Hún fór beint í mót erlendis eftir að hafa tryggt sér titilinn á sunnudaginn. Við heyrðum í Guðrúnu Brá þar sem hún er stödd í Sviss á VP Bank Swiss Ladies Open.