Menningarnótt í Reykjavík fer fram á laugardaginn. Að þessu sinni er Grindavíkurbær heiðursgestur Menningarnætur og mun sjá um skemmtidagskrá í Ráðhúsi Reykjavíkur. Guðmundur Birgir Halldórsson, verkefnastjóri viðburða hjá Reykjavíkurborg, kom til að fara yfir það helsta sem verður í boði og það sem þarf að hafa í huga fyrir þau sem ætla að heimsækja miðborgina um helgina.
Svonefnt Sæunnarsund var mikið þrekvirki sem unnið var af kúnni Hörpu sem synti yfir Önundarfjörð á flótta undan örlögum sínum, en hún var á leið í sláturhús árið 1987. Hún fékk í kjölfarið nafnið Sæunn og var lífi hennar þyrmt. Til að minnast þessa fer hið árlega Sæunnarsund fram á Flateyri laugardaginn 31. júlí nk. Bryndís Sigurðardóttir, Sæunnarsundstjóri, var á línunni.
Reykjavíkurmaraþonið fer fram um helgina venju samkvæmt á Menningarnótt. Fjölmargir hafa skráð sig í hlaupið og hægt er að styrkja marga hlaupara sem hlaupa munu fyrir góð málefni inná á hlaupastyrkur.is. Hinn 16 ára gamli Sindri Pálsson varð fyrir miklu áfalli í lok september 2023 þegar hann varð fyrir mænuskaða og lamaðist fyrir neðan axlir eftir aðgerð á Landspítalanum. Þá er hann fæddur með Warburg Micro heilkenni en einkenni þess eru meðal annars sjónskerðing, einhverfa og lág vöðvaspenna. Þær systur Herdís og Valý Þórsteinsdætur eru meðal þeirra sem eru í hópnum Vinir Sindra, en fjölmargir úr þeim hópi ætlar að hlaupa eða ganga til að styrkja Sindra, komu í morgunkaffi og sögðu okkur frá Sindra og hvernig hægt er að styrkja hann. Upphæðin sem safnast rennur öll í Hjálpartækjasjóð Sindra og verður nýtt til að styrkja Sindra í öllu því sem eykur lífsgæði hans og hamingju í lífinu.
Og Sævar Helgi Bragason kom með áhugaverðan fróðleik tengdum vísindum í lok þáttar. Meðal þess sem hann sagði okkur frá eru rannsóknir á loftsteininum sem útrýmdi næstum öllum risaeðlunum, vatn á Mars og svo talaði hann um ofurmána á himni.
Lagalisti:
Karl Orgeltríó - Bréfbátar
The Smiths - There Is A Light That Never Goes Out
The Emotions - Best Of My Love
Iceguys - Gemmér Gemmér
Bubbi Morthens - Það Er Gott Að Elska
Mammaðín - Frekjukast
Emilíana Torrini - Jungle Drum
Helgi Björnsson - Himnasmiðurinn
Hootie & The Blowfish - Only wanna be with you
Bruno Mars - Finesse (ft. Cardi B)
Talking Heads - Road To Nowhere
Valdis og JóiPé - Þagnir hljóma vel
Alicia Keys - Superwoman
