Sagt var frá því í fréttum í gær að Bandaríska dómsmálaráðuneytið ætli að ákæra Boeing fyrir svikastarfsemi. Heimildir hermi þó að ráðuneytið muni bjóða Boeing að semja um sættir við litla hrifningu ástvina þeirra hundraða sem fórust í tveimur flugslysum fyrir fimm árum. Hallgrímur Indriðason fréttamaður hefur kafað ofan í málefni Boeing og rakti málið fyrir okkur.
Fréttir bárust af því síðustu viku að hundar af ungversku veiðihundakyni séu grunaðir um kattardráp í Laugardalnum. Þá hafa borist fréttir af því í tvígang síðustu daga að hundur hafi tryllst og bitið fólk. Við fengum til okkar Hönnu M. Arnórsdóttur hjá Dýraspítalanum í Garðabæ til að ræða atferli hunda og hvað það er sem getur valdið svona hegðan hjá þeim.
Í nýjasta Bændablaðinu er sagt frá því að eldpiparrækt á Íslandi hafi stóraukist á mjög skömmum tíma. Nokkuð sem hefði varla talist mjög vænlegt til vinnings fyrir ekki svo löngu. Óli Finnsson eldpiparræktandi við í Heiðmörk í Laugarási sagði okkur betur frá því.
Fólki fallast hendur þessa dagana verði það fyrir því óláni að veikjast eða þurfa á læknisaðstoð að halda. Víða er alls ómögulegt að panta tíma hjá heimilislækni og nýlega var síðdegisvaktin lögð af í þeirri mynd sem hún hefur hingað til verið rekin. Hvað segir formaður Félags heimilislækna um málið? Margrét Ólafía Tómasdóttir var á línunni.
Ísland varð í fyrsta skipti í sögunni Norðurlandameistari undir 20 ára karla eftir sigur gegn Finnlandi á dögunum og í gær hófst Norðurlandamót U18 drengja og stúlkna. Hannes Jónsson, framkvæmdastjóri Körfuknattleikssambands Íslands, kom til okkar og ræddi körfubolta framtíðarinnar.
Tónlist:
Flott - Með þér líður mér vel.
Paul Simon- Still Crazy After All These Years.
Bubbi Morthens - Dansaðu.
Seal - Crazy.
Jónfrí og Ólafur Bjarki Bogason - Gott og vel.
Trúbrot - My Friend And I.
Billie Eilish - Birds of a Feather.
Peter Gabriel - Solsbury Hill.
Shaboozey - A Bar Song (Tipsy).
