Mikil ófærð hefur verið á landinu undanfarna daga. Á Vestfjörðum, norðanverðu landinu og á Austfjörðum. Við byrjum daginn á að taka stöðuna hjá þeim sem sinna mokstri á þjóðvegum landsins. G. Pétur Matthíasson, upplýsingafulltrúi Vegagerðarinnar, tók stöðuna á sínu fólki í morgunsárið og fór yfir stöðuna með okkur.
Verðlagseftirlit ASÍ hefur tekið upp verðsamanburð á dagvöru með nýrri Verðsjá sem birtir nýjustu verðgögn sem eftirlitið hefur aflað. Í sjánni má skoða verðbil milli verslana eftir vöruflokkum og niður á stakar vörur. Mælaborðið byggir á um tuttugu þúsund gagnapunktum, með nokkur þúsund uppfærslum á dag. Til að segja okkur nánar af þessu heyrðum við í Benjamín Julian, verkefnastjóri verðlagseftirlits ASÍ.
Aðeins meira af samgöngum. Fjarðarheiði var ófær í á fjórða sólarhring þegar hún loks opnaði í gærkvöldi en hefur lokað á ný. Heiðin er eina landleiðin til og frá Seyðisfirði svo Seyðfirðingar hafa flest sætt fimm daga einangrun vegna færðarinnar. Oddný Björk Daníelsdóttir íbúi á Seyðisfirði var á línunni.
Fyrir viku síðan gerðu Alríkislögregla Bandaríkjanna húsleit í tveimur heimilum tónlistarmógúlsins P Diddy. Diddy hefur verið sakaður um aðild að mansali og var í nóvember kærður fyrir kynferðisbrot. Eftir húsleitina í síðustu viku hafa ótal tengingar og sögur sprottið upp. Arnar Eggert Thoroddssen ræddi við okkur um Diddy, málið og ítök hans í tónlistarheiminum.
Þann 30. mars árið 1949, fyrir 75 árum, samþykkti Alþingi þingsályktunartillögu um inngöngu í Atlantshafsbandalagið. Í dag stöndum við frammi fyrir ótal tilvistarlegum spurningum varðandi aðild Íslands í átökum heimsins. Guttormur Þorsteinsson Formaður samtaka hernaðarandstæðinga kom til okkar.
Í lok þáttar kíkti Sævar Helgi Bragason við hjá okkur með sitt hálfsmánaðarlega vísindahorn.
Tónlist:
Á móti sól - Hvar Sem Ég Fer.
McKenna, Declan - Slipping Through My Fingers.
Fleetwood Mac - Dreams.
Hjálmar - Borgin.
Björk- Big Time Sensuality.
Þursaflokkurinn - Pínulítill Karl.
Rex Orange County - Keep It Up.
Ed Sheeran- Eyes Closed.
Billy Idol - Eyes Without A Face.
