Ýmislegt bendir til þess að fjöldi kjósenda sé enn óákveðinn þegar að kemur vali á næsta forseta Íslands. Hver veit nema sjómennsku þekking frambjóðenda auðveldi kjósendum valið. Í tilefni að sjómannadeginum á sunnudaginn næsta býður Aríel Pétursson formaður Sjómannadagsráðs frambjóðendum að spreyta sig á þrautum á borð við kanntu fisk að flaka og þekkirðu fiskinn? Hann kom í morgunkaffi.
Fjórða árið í röð heldur Páll Líndal og Golfklúbbur Mosfellsbæjar styrktarmótið Palli Open í golfi. Safna á fé til að standa að endurbótum á búningsklefum og séraðstöðu fyrir einstaklinga með miklar sérþarfir fyrir sundlaugina í Reykjadal þar sem starfræktar eru sumarbúðir í Mosfellsdal fyrir fötluð börn og ungmenni. Páll Líndal mætti til okkar.
Loftslagsdagurinn er í dag. Við ræddum stöðu mála við Auði H. Ingólfsdóttur, sviðsstjóra loftslagsmála og hringrásarhagkerfis hjá Umhverfisstofnun og Nicole Keller, teymisstjóri losunarbókhalds þar á bæ.
Heldum áfram að velta fyrir okkur framvindunni fyrir forsetakosningarnar. Flæðandi fylgi, síbreytilegar skoðanakannanir og líkindi ræddum við svo við Baldur Héðinsson stærðfræðing og höfund kosningaspa.is.
Kristján Hafþórsson, sem heldur úti hlaðvarpinu Jákastið, kom í heimsókn. Hann var að klára BA ritgerð sína í félagsfræði við Háskóla Íslands sem ber heitir Getum við verið jákvæðari? Með undirtitilinn “Jákvæð félagsfræði og áhrif fjórða valdsins á umræðu samfélagsins. Þetta er áhugavert ekki síst vegna þess að forsetakosningar eru á laugardaginn.
Og í lok þáttar kom Sævar Helgi Bragason og af gefnu tilefni ræddi hann sannleikinn um tunglferðirnar.
Helgi Björnsson - Besta útgáfan af mér
Daði Freyr - Whole Again
Travis - Gaslight
Warmland - Superstar minimal
Billie Eilish - Lunch
GDRN - Þú sagðir
Paramore - Ain't it fun
Alanis Morissette - Ironic
