Tæpar tvær vikur eru eftir af árinu 2024 og nú er tíminn til að gera hin ýmsu málefni upp. Við hefjum þáttinn á því að gera upp árið í umhverfismálum. Stiklum vissulega á stóru en við fáum til okkar Guðmund Steingrímsson varaformann Landverndar og Lauru Sólveigu Lefort Scheefer frá Ungum umhverfissinnum til að ræða hvað fór vel og hvað þarf að ganga betur á næsta ári.
Björn Berg Gunnarsson ræðir við okkur um sparnaðarmarkmið á nýju ári.
Jólin eru ekki aðeins hátíð ljóss, friðar og samverustunda með sínum nánustu, heldur eru þau einnig uppáhalds árstími hakkara. Björn Orri Guðmundsson, framkvæmdastjóri Aftra og sérfræðingur í aðferðafræði hakkara og í netforvörnum og Gunnar Ingi Reykjalín Sveinsson, forstöðumaður skýja- og netreksturs hjá Origo fara yfir þau mál með okkur.
Við höldum síðan áfram að ræða við stjórnarmyndunarviðræður Samfylkingar, Viðreisnar og Flokks fólksins, í þetta skiptið við Sigurð Pétursson, sagnfræðing, sem setur þær í sögulegt samhengi.
Margrét Gunnarsdóttir, sagnfræðingur, ræðir við okkur um venjur Íslendinga í kringum jól.
Við þorum varla að gægjast inn í jólapakkann þegar að kemur að jólaveðrinu. Núna er gullfallegur jólasnjór víða um land en hvernig er spáin fyrir aðfangadag? Einar Sveinbjörnsson veðurfræðingur fer yfir það í lok þáttar.
