Kvikmyndahátíðin í Cannes í Frakklandi er núna í gangi og þar eigum við fulltrúa en aðstandendur kvikmyndarinnar Ljósbrot eru þar úti til að kynna myndina. Ljósbrot er að fá glimrandi dóma hjá gagnrýnendum þarna úti. Leik- og tónlistarkonan Elín Hall fer með eitt aðalhlutverkið í myndinni. Hún verður á línunni beint úr heimi fallega og fræga fólksins.
Stundum gleymist í umræðunni um forsetakosningar í Bandaríkjunum að forsetaframbjóðendurnir eru þrír. Sá þriðji, RFK jr eða Robert F. Kennedy yngri vakti athygli í síðustu viku þegar hann sagði orm hafa dvalið í heilanum á sér og étið hluta af honum fyrir góðum 15 árum síðan. Bryndís Sigurðardóttir smitsjúkdómalæknir ræðir við okkur um sníkjudýrið sem um ræðir og jafnvel fleiri.
Góðar fréttir bárust af gangi mála hjá Þórkötlu fasteignafélagi í vikunni. Félagið hefur yfirfarið og samþykkt kaup á 660 húseignum í Grindavík. Það eru um 85% af þeirri 781 umsókn sem hefur borist. Þrátt fyrir það kvarta margir Grindvíkingar enn yfir seinagangi og erfiðri stöðu sem skapast vegna hans. Örn Viðar Skúlason -framkvæmdastjóri fasteignafélagsins Þórkötlu kemur.
Á sumrin keppast yfirleitt stóru kvikmyndaverið í Hollywood til þess að sýna stærstu kvikmyndir sínar og í ár er engin undantekning. Við fáum Ragnar Eyþórsson, sérslegan kvikmyndaáhugamanna og framleiðanda á RÚV, til að taka saman fyrir okkur það helsta.
Og til að ræða fréttir vikunnar fáum við til okkar þau Helgu Völu Helgadóttur, lögmann og fyrrum þingmann og Björn Inga Hrafnsson af vefmiðlinum Viljanum.
Tónlist:
RAGNHILDUR GÍSLA - Sjáumst þar.
LAUFEY - California and Me.
ELÍN HALL - Er nauðsynlegt að skjóta þá?.
Greiningardeildin, Bogomil Font - Sjóddu frekar egg.
UNUN - Lög Unga Fólsins.
PETER GABRIEL - Big Time.
UNUN - Lög Unga Fólsins.
HAUKUR MORTHENS - Hæ Mambó.
