Alþingi samþykkti á laugardaginn, á lokastarfsdeginum fyrir sumarfrí, breytingu á lögum um listamannalaun svo launasjóðum sem starfslaun eru veitt úr fjölgar og árlegir úthlutunarmánuðir verða fleiri. Starfslaunamánuðum verður fjölgað úr 1.600 í 2.490 á fjórum árum. Lilja Alfreðsdóttir, menningar- og viðskiptaráðherra, fór yfir helstu breytingar með okkur sem og ræddi við okkur um nýja ferðamálastefnu.
Við ræddum í gær frétt af Vísi þar sagt er frá tölvupósti frá tryggingafélaginu Sjóvá til viðskipavina sinna sem eiga Teslur, þar sem athygli er vakin á því að Teslum er ekið oftar á mannvirki en öðrum bílum. Hlustandi hafði samband í kjölfarið og benti á að svo miklar breytingar hafi orðið á nýjum bílum að ungt fólk sem er að fá bílprófið kann ekki á eldri týpur af bílum. Okkur lék forvitni á að vita hvort ökukennsla í landinu hafi fylgt þessari þróun og nýjungum sem er að finna í nýjustu bílunum. Til að ræða þetta kom til okkar Þuríður B. Ægisdóttir formaður Ökukennarafélag Íslands.
Sævar Helgi Bragason var með Vísindahornið sitt beint úr hljóðveri RÚV á Akureyri þennan morguninn. Hann ræddi við okkur um sumarsólstöður, almyrkva og heimasíðuna solmyrkvi2026.is og vel heppnaða ferð kínverja með ómanna geimfar sem lenti á fjærhlið tunglsins.
Birta Sólveig Söring Þórisdóttir var valin nýútskrifuð í hlutverk Auðar í söngleiknum Litlu Hryllingsbúðinni sem Leikfélag Akureyrar setur upp í haust. Við ræddum aðeins við þessa ungu leikkonu og fengum hana til þess að segja okkur aðeins af sér og leikllistarnáminu.
Lagalisti:
GDRN - Háspenna
Paul Simon - You Can Call Me Al
Jónfrí og Ólafur Bjarki Bogason - Gott og vel
Jóhanna Guðrún - Töfrar
The Stone Roses - Waterfall
Pálmi Gunnarsson - Hvers vegna varst'ekki kyrr?
Bogomil Font & Milljónamæringarnir - Marsbúa chacha
Dominic Fike - 3 Nights
The Turtles - Happy together
Daft Punk - Lose Yourself To Dance
Leifur Hauksson og Edda Heiðrún Bachmann - Snögglega Baldur
