Runólfur Ólafsson, framkvæmdastjóri FÍB, verður gestur okkar í upphafi þáttar þegar við ræðum þingsályktunartillögu um bann við auglýsingum á jarðefnaeldsneyti sem liggur fyrir á Alþingi.
Sólveig Anna Jónsdóttir, formaður Eflingar, boðar undirbúning verkfallsaðgerða ef fundur í kjaraviðræðum félagsins við Samtök fyrirtækja í velferðarþjónustu í dag ber ekki árangur. Við ræðum við Sólveigu um þennan úrslitafund og mögulegt verkfall.
The Game Changer eða leikbreytirinn er verkefni sem unnið er á Íslandi, Svíþjóð og Finnlandi þar sem leitast er eftir því að styrkja varnir ungs fólks gegn stafrænu ofbeldi. Verkefnið er meðal annars byggt á viðtölum við ungt fólk og reynslu þeirra af heimi tölvuleikja og internetsins. Eygló Árnadóttir og Þórdís Elva Þorvaldsdóttir halda utan um verkefnið hér á landi og líta við hjá okkur.
Ítalska þingið samþykkti á miðvikudag nýtt frumvarp um menntamál sem meðal annars felur í sér heimild til handa skólum að fella nemendur sökum slæmrar hegðunar. Við ætlum að spegla þessar nýju reglur við þær íslensku og spyrja hvort íslensk stjórnvöld þurfi að setja svipuð lög til að koma á aga og endurheimta virðinguna í skólunum, eins og frumvarpið á að gera, og ræðum við Magnús Þór Jónsson, formann Kennarasambands Íslands.
Hópur klínískra sálfræðinga úr í stjórn Félags sérfræðinga í klínískri sálfræði sendi frá sér áskorun til Sigurðar Inga Jóhannessonar um helgina. Aðgengi fólks að sálfræðiþjónustu sé hverg nærri nógu gott og vandamálið sé ekki skortur á sálfræðingum heldur fjármagn. Við ræðum málið við Ingu Hrefnu Jónsdóttur, forstöðusálfræðing á Reykjalundi og Kristbjörgu Þórisdóttur, sálfræðing á heilsugæslu Domus mentis geðheilsustöð
