Miðnæturhlaup Suzuki er hlaup sem haldið hefur verið árlega síðan 1993. Hlaupið í ár fer fram á fimmtudagskvöldið næsta og er upphaf og endir allra vegalengdanna í Laugardalnum. Hlaupin hefjast á Engjavegi og allir hlauparar koma í mark við Þvottalaugarnar. Margrét Elíasdóttir er hlaupastjóri og var á línunni hjá okkur.
Bifhjólamaðurinn Mikkó segist þakka Teslu bifreið en ekki bílstjóra hennar að hann er enn á meðal lifandi. Á dögunum var hann næstum ekinn niður þegar Teslu bifreið var ekið gegn rauðu ljósi, að hans sögn, og í átt að honum og hefði ekki þurft að spyrja að leikslokum fyrir hann ef bílinn hefði ekki stöðvað en bílstjóri bifreiðarinnar virtist bregða jafnmikið við hemlunina eins Mikkó. Mikkó segir okkur söguna á eftir, eins og hann upplifði hana.
Um helgina kviknaði í þaki á austurhlið Kringlunnar og litlu mátti muna að hann færi úr böndunum. Það var fyrir snarræði slökkliðsmanna að ekki fór verr en tjón er samt mikið. Tíu verslanir eru að eiga við mikið tjón til að mynda. Inga Rut Jónsdóttir er framkvæmdarstjóri Kringlunnar og hún fór yfir stöðuna með okkur.
Eftir mikla kuldatíð á Norðurlandi hafa eflast margir kylfingar fyrir norðan og austan haft miklar áhyggjur af golfvöllum á svæðinu. Við ræddum við Jón Heiðar Sigurðsson, skrifstofustjóra Golfklúbbs Akureyrar en þar á bæ hefur verið mikið að gera síðustu vikur við það að koma vellinum í rétt horf.
Helga Margrét Höskuldsdóttir leit við og fór yfir það helsta í íþróttunum
Og svo var Guðmundur Jóhannsson mættur til að fræða okkur um nýjustu tækni í hálfsmánaðar Tæknihoninu. Í dag sagði hann okkur frá áætlunum um betri hljómgæði á streymisveitum og hvort þau skili sér alla leið í eyrun.
Lagalisti:
GDRN - Parísarhjól
Terence Trent D'Arby - Wishing Well
LEN - Steal My Sunshine
Purple Disco Machine ásamt Benjamin Ingrosso, Nile Rodgers og Shenseea - Honey Boy
Magic! - Rude
Una Torfadóttir - Í löngu máli
Bill Withers - Lean On Me
Stevie Nicks - Edge Of Seventeen
Hljómsveitin Ég - Maðurinn
