Kastljós

Mansal, Joseph Stiglitz, Hljóðsafnið

Átta voru handtekin í gær vegna gruns um mansal, peningaþvætti og skipulagða glæpastarfsemi í einhverjum umfangsmestu lögregluaðgerðum sem um getur hér á landi. Þetta er langt því frá fyrsta málið sem kemur upp þar sem grunur leikur á mansali. Fá mála rata hins vegar fyrir dómstóla og aðeins eitt hefur leitt til sakfellingar. Hverju sætir? Við ræðum við Öldu Hrönn Jóhannsdóttur, yfirlögfræðing hjá lögreglunni á Suðurnesjum, og Kolbrúnu Benediktsdóttur, varahéraðssaksóknara.

Joseph Stiglitz, sem hlaut Nóbelsverðlaunin í hagfræði árið 2001, segir að seðlabankar heims hafi gert reginskyssu þegar þeir hækkuðu stýrivexti til að slá á verðbólgu síðustu missera. Þeir hafi látið hagfræðikenningar blinda sér sýn í stað þess að horfa á rót vandans. Stiglitz var staddur á Íslandi á dögunum og Kastljós hitti á hann.

Á Hljóðsafni og Miðstöð munnlegrar sögu í Þjóðarbókhlöðunni eru varðveittar mörg þúsund upptökur og margar þeirra frá fyrri hluta síðustu aldar. Þarna má finna gamalt útvarpsefni, hljóðupptökur úr einkasöfnum og tónlist sem var aðeins gefin út á kassettum. Við heimsóttum safnið á dögunum.

Frumsýnt

6. mars 2024

Aðgengilegt til

Rennur ekki út

• 00:02:24 Atburðarás í aðgerðum lögreglu
• 00:02:25 Mansal á Íslandi
• 00:13:41 Joseph Stiglitz
• 00:21:48 Varðveitir gamlar upptökur frá fyrri tímum

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.