Jón Ólafsson, prófessor við Háskóla Íslands og sérfræðingur í málefnum Rússlands fór yfir viðtal sem fjölmiðlamaðurinn Tucker Carlson tók við Vladimír Pútín Rússlandsforseta í gærkvöldi en enginn vestrænn fréttamaður hafði rætt við forsetann frá innrásinni í Úkraínu. Þá fór hann einnig yfir fyrirhugaðar kosningar í Rússlandi.
Gunnar Þór Hallgrímsson prófessor í dýrafræði sagði okkur af uglum, sérstaklega branduglum og af hverju þær lifa nokkurs konar rokkaralífstíl.
Margréti Valdimarsdóttur, doktor í afbrotafræði fór yfir hryðjuverkamálið svokallaða, en aðalmeðferð í málinu hófst í gær.
Svo virðist sem áfram hafi í nótt dregið úr virkni eldgossins milli Sundhnúks og Stóra-Skógfells. Ármann Höskuldsson, eldfjallafræðingur, ræddi við okkur um stöðuna á Reykjanesskaga.
Sigurður Helgi Pálmason býr á Suðurnesjum en þar var nóttin köld. Hann sagði okkur frá því hvernig nóttin gekk og til hvaða ráða hann og hans fjölskylda gripu.
Sigtryggur Baldursson var á línunni að norðan en hann og náfrændi hans Bogomil Font ætla að troða upp á Græna hattinum um helgina og svo er nýtt lag komið út - sem fjallar um að sjóða egg.
Ofurskálin eða Superbowl, einn stærsti sjónvarpsviðburður heims, fer fram á sunnudagskvöld. Valur Gunnarsson og Magnús Óliver Axelsson, stjórnendur NFL hlaðvarpsins Tíu jardarnir, hituðu upp með okkur.
Tónlist:
Elín Hall og Una Torfa - Bankastræti.
Stebbi og Eyfi - Helga.
Stevie Wonder - Signed, sealed, delivered.
Dina Ögon - Det lacker.
Bogomil Font og Greiningardeildin - Sjóddu frekar egg.
Taylor Swift - Style.
Billy Idol - Dancing with myself.
