Tónhjólið

Sú níunda 200 ára

Tónhjólið

5. maí 2024

Umsjón: Guðni Tómasson

Tónhjólið þessa vikuna er helgað einu tónverki og aðeins einu tónverki, níundu sinfóníu Ludwigs van Beethoven, en 7. maí næstkomandi eru 200 ár liðin frá frumflutningi þessarar óvenjulegu tónsmíðar sem olli straumhvörfum í tónlistarsögunni. Umsjónarmaður segir frá sköpunarsögu verksins og grípur niður í lýsingar á frumflutningnum og daglegu lífi Beethovens. Ennig hljómar í síðari hluta þáttarins Tónlistarrabb Atla Heimis Sveinssonar tónskálds frá árinu 1979 þar sem hann fjallaði um lokakafla verksins, lék tóndæmi og lýsti framvindu kaflans um leið og hljóðritun af honum var leikin.

Tónlistin í þættinum er öll eftir Beethoven og hljómar í brotum:

Brot úr fyrsta og öðrum þætti níundu sinfóníunnar. Pablo Heras-Casado stjórnar Barroksveitinni i´Freiburg.

Jacqueline Du Pré og Daniel Barenboim leika hæga þáttinn úr sellósónötu nr. 5

Murray Perahia leikur Adagio Cantabile úr píanósónötu nr. 8 - Pathetique

Lokakafli níundu sinfóníunnar leikinn og sunginn undir tali Atla Heimis Sveinssonar um hann í Tónlistarrabbi. Óvíst með flytjendur.

Frumflutt

5. maí 2024

Aðgengilegt til

Rennur ekki út

Tónhjólið snýst og snýst og upp koma sögur af tónlist, nýrri og gamalli. Ólíkar stefnur og straumar skjóta upp kolli og líka hljóðfæri, hugtök og túlkunarmöguleikar. Hugað verður að einhverju því sem hæst ber á tónlistarsviðinu í heimi sígildrar tónlistar og djasstónlistar á hverjum tíma.