Tónhjólið 17. mars 2024
Umsjón Guðni Tómasson
Í þættinum er fjallað um tónlist fyrri alda (early music) og sagt frá Reykjavík Early Music Festival sem haldin verður í dimbilvikunni í fyrsta sinn í Hörpu en Elfa Rún Kristinsdóttir listrænn stjórnandi hátíðarinnar er tekin tali. Einnig verður sagt frá rannsóknum Kjartans Óskarssonar og Jóhannesar Ágústssonar á verkum Jans Dismas Zelenka.
Viðmælendur í þættinum eru:
Elfa Rún Kristinsdóttir fiðluleikari
Kjartan Óskarsson klarinettuleikari og tónlistargrúskari.
Tónlistin í þættinum:
Arte Dei Suonatori leikur forleik aftir Johann Adolf Hasse.
Barokksvetin brák leikur brot úr kafla í A-moll fiðlukonserti Johanns Sebastians Bach. Elfa Rún leikur einleik.
Amaconsort leikur brot úr Amasque eftir William Lawes og óþekktan höfund.
Rachel Podger og The Academy of Ancient Music leika, undir stjórn Andrews Manze A-moll fiðlukonsert Johanns Sebastians Bach.
Tveir kaflar hljóma úr Statio Quadruplex Pro Processione Theophonica (Fjórar stöðvar fyrir helgigöngu með trúarsöngvum) eftir Jan Dismas Zelenka. Upptaka gerð i Skálholtskirkju síðasta sumar. Flytjendur eru: Álfheiður Erla Guðmundsdóttir, sópran, David Erler, kontratenór, Benedikt Kristjánsson, tenor, Oddur Arnþór Jónsson, bassi, Kammerkór sumartónleikana, Barrokkbandið Brák. Stjórnandi: Jana Semerádová
