Ásgrímur Angantýsson, prófessor í íslensku við Háskóla Íslands, var gestur okkar í upphafi þáttar. Hann hefur undanfarið rannsakað stöðu norðlenskra og sunnlenskra framburðarafbrigða.
Björn Berg Gunnarsson mætti með sitt hálfsmánaðarlega fjármálahorn.
Geislavarnir ríkisins greindu frá því í gær að um átta próesnt ungmenna á aldrinum 12 til 17 ára hafi notað ljósabekk einu sinni eða oftar á síðasta ári, en átján ára aldurstakmark er á notkun slíkra bekkja hér á landi. Við ræddum við Eddu Línu Gunnarsdóttur, sérfræðing hjá Geislavörnum.
Ríkisstjórnin hefur sammælst um aðgerðir í málefnum umsækjenda um alþjóðlega vernd, flóttafólks og innflytjenda. Bryndís Haraldsdóttir og Þórhildur Sunna Ævarsdóttir komu til okkar að ræða nálgunina og hvað í henni felst.
Ragnar Jónsson blóðferlasérfræðingur hjá lögreglunni kíkti til okkar. Hann var í vikunni kjörinn forseti Evrópudeildar IABPA samtakanna sem eru samtök blóðferlasérfræðinga á heimsvísu.
Hugvísindaþing verður haldið í byrjun næsta mánaðar og þar á meðal annars að ræða áfengisneyslu á Íslandi í sögulegu ljósi. Við ræddum við tvö þeirra sem taka þátt í málstofunni Ísland - Brennivínsland, sagnfræðingana Stefán Pálsson sem fjallar um áfengisbannið og þróun á löggjöfinni, og Ragnhildi Hólmgeirsdóttur sem beinir sjónum sínum að drykkjuskap og áhrif hans á þyngd dóma á átjándu öld, og við speglum þetta allt saman við samtímann.
Tónlist:
Steed Lord - Curtain Call.
Una Torfadóttir - Þú ert stormur.
Flott - Með þér líður mér vel.
Manic street preachers - A Design for Life.
YG Marley - Praise Jah In the Moonlight.
Jaakko Eino Kalevi - Emotions in Motion.
