Heimilisrekendur landsins finna kannski hvað best fyrir því að verð á matvöru hefur hækkað nú þegar hátíð ljóss og friðar er á næsta leiti með öll sín innkaup. Verð á jólamat hækkaði um 6-17% milli ára, samkvæmt verðkönnun verðlagseftirlits ASÍ. Benjamin julian segir okkur betur frá því.
Hjördís Guðmundsdóttir, samskiptastjóri Almannavarna, kemur til okkar upp úr hálf átta. Við ætlum að taka stöðuna á gosstöðvunum á Reykjanesskaga.
Auka þarf heimildir skóla til að fjölga nemendum í rafiðngreinum og öðru iðn- og verknámi. Iðnskólar eru fljótir að borga sig. Þetta segir Baldvin Björgvinsson, formaður Félags kennara í rafiðngreinum í grein í Morgunblaðinu í gær. Til að ræða þessi mál kemur til okkar Ásmundur Einar Daðason, mennta- og barnamálaráðherra.
Atkvæðagreiðslu öryggisráðs Sameinuðu þjóðanna um vopnahlé á Gaza var frestað í annað sinn í fyrradag því ekki náðist eining um orðalag. Þá er ekki síst horft til þess hvaða orðalag gæti fengið Bandaríkin til að sitja hjá frekar en að beita neitunarvaldi sínu. Við ræðum málin við Silju Báru Ómarsdóttur. Líka þá staðreynd að áfrýjunardómstóll í Colorado hefur komist að því að Trump sé óframboðshæfur í forvali til forsetakosninganna.
Jólaundirbúningur er á hápunkti á flestum heimilum um þessar mundir en þó getur verið erfitt að ná almennilega utan um skipulagið. Hvenær á að pússa silfrið og útbúa rauðkálið? Eru einhverjar reglur þegar að kemur að því strauja dúkinn eða þeyta rjómann Í dag eru þrír dagar til jóla og því ekki seinna vænna en að fara yfir þessi mál. Margrét Dórothea Sigfúsdóttir fyrrverandi skólastýra Hússtjórnarskólans skólar okkur til í þættinum.
Tillaga Bjarna Benediktssonar, utanríkisráðherra, um að skipa Svanhildi Hólm Valsdóttur til sendiherra hefur vakið undrun margra. Við ræðum málið við Andrés Jónsson almannatengil.
ELLEN KRISTJÁNSDÓTTIR - Minn Eini Jólasveinn.
COLDPLAY - Let Somebody Go (ft. Selena Gomez).
BAGGALÚTUR & DÍSA JAKOBS - Styttist í það.
Sigurður Guðmundsson, Sigríður Thorlacius - Gömul kynni.
BROOKLYN FÆV - Sleðasöngurinn.
DARLENE LOVE - All alone on Christmas.
BOBBY HELMS - Jingle Bell Rock.
