Tilraunum til svokallaðra Messenger-svika, líkt og margra annarra gerða svika, hefur farið mjög fjölgandi á síðustu árum og eru dæmi um að svikahópum hafi tekist að svíkja talsverðar fjárhæðir frá einstaklingum sem töldu sig vera í samskiptum við einstakling sem það þekkir vel. Þetta er henni Heiðrúnu Jónsdóttur framkvæmdastjóra Samtaka fyrirtækja í fjármálaþjónustu. efst í huga í grein sinni á Vísi undir fyrirsögninni „Hæ ástin, þarf að millifæra, getur þú samþykkt beiðnina?“. Hún Heiðrún kom til okkar og sagði okkur meira frá þessum varhugaverðu skilaboðum.
Þó að sumarið láti ekki mikið á sér kræla hér í höfuðborginni þá er alltaf bjart yfir mernningarlífinu, í kvöld fara fram sérstakir Sumartónleikar í Iðnó við Reykjavíkurtjörn. Það kemur fjölbreyttur hópur tónlistarfólks úr ýmsum áttum, stefnum og stílum sem tengist þó innbyrðis og segja má að á efnisskránni megi finna allt það helsta sem kraumar undir í spennandi grósku íslensks tónlistarlífs. Við hittum tónlistarkonurnar þær Katrínu Helgu Ólafsdóttur og Salóme Katrínu Magnúsdótturfyrir en þær voru að undirbúa tónleikana með hljóðprufum og slíku.
Boðið verður upp á miðnætur-tónheilun í Elliðaárdal þar sem gestir mun án alls vafa verða verðlaunaðir með værum svefni eftir að komið er aftur heim. En þar munu hjónin Daníel Þorsteinsson tónlistarmaður og Kolbrún Ýr Gunnarsdóttir jógakennari að búa til dásemdarkvöldstund í djúpri slökun fyrir taugakerfið með hjálp gong-hugleiðslu, hjartaopnandi kakói, kristalskálum, trommum og öðru tóndekri. Við fáum þau Daníel og Kolbrúnu til okkar.
Enn og aftur að veðrinu, Snædís Snorradóttir er stödd fyrir austan og þar mun ærandi blíða sleikja íbúa og ferðafólk á meðan að dumbungurinn hvílir ef öðrum landshlutum. Við heyrðum í Snædísi.
Í byrjun þáttar heyrðum við svo í fréttamanninum Hallgrími Indriðasyni sem sagði okkur allt af Nato fundinum og ræddi einnig um verðandi blaðamannafund Joe Biden.
