Við heyrðum í þættinum í Steinunni J. Kristjánsdóttur, prófessor í fornleifafræði við Háskóla Íslands, en um helgina verður Vatnsdæluhátíð í Húnabyggð og á meðal þess sem þar fer fram er leiðsögn um uppgraftarsvæðið á Þingeyrum, þar sem rústir Þingeyrarklausturs fundust loks eftir margra ára leit. Á hátíðinni verður einnig fornleifaskóli barnanna, þar sem þau fá að grafa eftir gripum. Auk þess verða gripir sem fundist hafa til sýnis og örfyrirlestrar haldnir í Þingeyrarkirkju. Steinunn var á línunni í þættinum og sagði okkur meira frá því sem þau hafa fundið og hátíðinni.
Ása Baldursdóttir, sérfræðingur Sumarmála í því hvað er skemmtilegt hægt að finna til að hlusta á og horfa á í sumar, kom svo til okkar. Í þætti dagsins fjallaði Ása um hlaðvörpin Shell Game (Skeljaleikurinn), þar sem blaðamaður fer á fullt í raddklónun á eigin rödd, Pínulitla ferðataskan (The Tiny Suit Case), þar sem furðulegt mál undarlegrar tösku og pínulítilla jakkafata er rannsakað. Að lokum sagði hún frá áhugaverðri nýrri sjónvarpsþáttaröð, Fantasmas (Fantasíur), þar sem drepfyndnar örsögur fara um huga ungs drengs.
Svo var fugl dagsins auðvitað á sínum stað.
Tónlist í þættinum:
Lítill fugl / Ellý Vilhjálms (Sigfús Halldórsson, texti Örn Arnarson (dulnefni fyrir Magnús Stefánsson)
Sendlingur og sandlóa / Múgsefjun (Hjalti Þorkelsson, texti Eiríkur Fannar Torfason)
Ferðabar / Spilverk þjóðanna (Spilverk þjóðanna)
Nú liggur vel á mér / Ingibjörg Smith (Óðinn G. Þórarinsson, texti Númi Þorbergsson)
UMSJÓN GUNNAR HANSSON OG ARNHILDUR HÁLFDÁNARDÓTTIR
