Sumarmál

Meiri sköpun í skólakerfið, ný bók um núvitund, sálfræði og krabbamein og fuglinn

Staðráðin í að vera er heiti á bók sem kemur út á haustmánuðum og höfundurinn Eva Gunnarsdóttir sálfræðingur er að leggja lokahönd á. Í bókinni lýsir Eva reynslu sinni af því að fá krabbamein og fléttar inn sálfræði,samkennd í eigin garð og núvitund en hún á að baki 5 ára nám í núvitundarfræðum frá University of Bangor í Wales sem var fyrsti háskólinn á vesturlöndum sem byrjaði að kenna núvitund sem akademískt fag.

Hæfni 15 ára nem­enda á Íslandi í skap­andi hugs­un er und­ir meðaltali OECD ríkjanna og standa dreng­ir verr að vígi en stúlk­ur. Þetta eru niðurstöður úr könn­un PISA á skap­andi hugs­un sem birt­ar voru nýlega. En hvernig virkjum við skapandi hugsun í börnum og ungmennum og hvernig þarf skólakerfið að bregðast við því? Við ræddum við Hildi Jakobínu Tryggvadóttur sviðslistakennara og nýútskrifaðan meistaranema í sviðslistakennslu frá LHÍ sem hannaði í lokaverkefni sínu kennsluefni tengt leiklist og dansi sem ætlað er KENNURUM grunnskóla og nemendum þeirra til að örva skapandi hugsun og tjáningu.

Fugl dagsins var svo á sínum stað.

Frumflutt

26. júní 2024

Aðgengilegt til

Rennur ekki út

• 00:06:00 Fugl dagsins
• 00:12:13 Eva Gunnarsdóttir sálfræði, núvitund og krabbamein
• 00:33:53 Hæfni íslenskra barna í sköpun-Hildur J Tryggvad

Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.