Umsjón: Ingvar Þór Björnsson og Hafdís Helga Helgadóttir
Sólveig Guðrún Hannesdóttir, rektor Menntaskólans í Reykjavík, verður gestur okkar um hálf átta leytið. Eins og við ræddum í gær leitar hún eiganda nokkurra áratuga gamals svindlmiða sem fannst við framkvæmdir í Gamla skóla menntaskólans í fyrradag. Við spyrjum hvort draga eigi eigandann til ábyrgðar og um stöðu svindlsins.
Erfitt hefur verið fyrir fólk með ADHD að nálgast lyfið Elvanse í sumar. Lyfið hefur verið ófáanlegt síðan í júlí og seldist svo upp fyrir hádegi daginn sem það kom aftur í apótek. Við fáum til okkar Vilhjálm Hjálmarsson formann ADHD samtakanna til að ræða stöðuna.
Við förum yfir fréttir vikunnar eftir átta fréttir, eins og alltaf á föstudögum, í þetta skiptið með Árna Helgasyni, lögmanni, og Kristínu Ólafsdóttur, fréttakonu á Vísi, Stöð 2 og Bylgjunni.
Ást Fedru verður frumsýnd í Þjóðleikhúsinu á morgun, en þetta er fyrsta frumsýning ársins í leikhúsinu og einnig frumflutningur á þessu kraftmikla verki Söruh Kane hér á landi. Við fáum til okkar Sigurbjart Sturlu Atlason, sem fer með eitt aðalhlutverka, og Kolfinnu Nikulásdóttur, sem leikstýrir verkinu.
Í dag er ár frá andláti Elísabetar Bretadrottning. Anna Lilja Þórisdóttir, fréttakona á RÚV og rojalisti, kemur til okkar í lok þáttar, gerir upp þau tímamót og fer yfir hvernig Karli hefur farnast í embætti.
Lagalisti:
GRÝLURNAR - Ekkert Mál.
GWEN STEFANI - True Babe.
HAIM - The Wire.
JÓNFRÍ - Andalúsía.
PETER GABRIEL - Sledgehammer.
Gladys Knight and The Pips - Midnight Train To Georgia.
FLOTT - L'amour.
BJARNI BEN - Pretty in pink.