Um helgina opnaði stórglæsilegt 4600 fermetra danshús Í Kaupmannahöfn. Við Íslendingar fengum að eiga svolítið í opnuninni því opnunarverkið er Rómeó&Júlía eftir Íslenska Dansflokkinn. Guðrún Sóley Gestsdóttir var á staðnum. Við heyrðum í henni.
Á CNN eru bandaríkjamenn sagðir spenntir yfir kappræðum morgundagsins líkt og um Superbowl viðburð væri að ræða. Það er, kappræðum Trump og Harris -þeim fyrstu milli þeirra og þeim fyrstu síðan arfaslök frammistaða Joe Bidens í júní dæmdi hann hér um bil úr leik. Skoðanakannanir sýna að afar mjótt er á munum milli þeirra. Við hituðum upp fyrir kappræðurnar með Silju Báru Ómarsdóttur prófessor í alþjóðasamskiptum.
Dröfn Vilhjálmsdóttir, upplýsingafræðingur sem starfað hefur á skólabókasafni í grunnskóla í hátt í tólf ár, kom til okkar eftir átta fréttir en hún skrifaði færslu á Facebook sem vakti mikla athygli um helgina þar sem hún fjallar um framboð barnabóka á íslensku og þá skökku mynd sem þær sýna af kynjunum.
Alþingi verður sett á morgun eftir sumarhlé. Við ræddum við Andrés Inga Jónsson, þingmaður Pírata, og Berglind Ósk Guðmundsdóttir, þingmaður Sjálfstæðisflokksins, um þingveturinn framundan.
Valdis, JóiPé - Þagnir hljóma vel.
Elín Hall - Vinir.
Two door cinema club - What you know.
Lacey, Yazmin, Ezra Collective - God Gave Me Feet For Dancing.
THE CURE - Friday I'm In Love.
FLOTT - L'amour.
Una Torfadóttir - Það sýnir sig (Studio RUV).
