Á morgun ætlar Bergur Vilhjálmsson, slökkviliðs, sjúkraflutningarmaður og björgunarkafari hjá Slökkviliði höfuðborgasvæðisins, að ganga hundrað kílómetra til styrktar Píetasamtökunum. Og ýmist draga á eftir sér eða ýta á undan sleða með 100 kg af lóðum. Hann leggur af stað frá líkamsræktarstöðinni Ultraform á Akranesi og að Ultraform í Grafarholti og mun fara i gegnum Hvalfjörðinn. Bergur var á línunni.
Félagsvísindasvið Háskóla Íslands hleypir af stokkunum nýrri fyrirlestraröð í dag undir merkjum Þjóðarspegilsins. Árdís K. Ingvarsdóttir, aðjunkt í félagsfræði, er önnur þeirra sem flytja erindi í dag, en það ber titilinn: Útlendingur, innflytjandi eða fólk í leit að alþjóðlegri vernd. Málefni innflytjenda á Íslandi og fólks í leit að alþjóðlegri vernd eru reglulega í opinberri umræðu og þar eru réttindi fólks og skyldur, menning, lagalegt umhverfi, áhrif innflytjenda á hagkerfið, útgjöld og tekjur hins opinbera og vinnumarkaðurinn meðal þess sem er undir. Árdís kom til okkar og ræddi þessi mál.
Björn Berg Gunnarsson leit við í sitt reglulega fjármálaspjall og ræddi m.a. reiðufé og hönnun peningaseðla.
Lárus Jón Björnsson sjúkraþjálfari verður gestur okkar eftir átta fréttir en hann hefur sérhæft sig í neðanbeltis karlheilsu. Við ræddum það mikilvæga mál við Lalla eins og hann er kallaður sem og fleira, eins og t.d. jákvæða sálfræði sem hann segir hjálpa sér á ýmsum sviðum, bæði í vinnu og einkalífi.
Flest þekkjum við til starfseminnar á Sólheimum í Grímsnesi og þar er ekki síður rekin blómleg menningarstarfsemi en mannrækt og gróðurrækt. Öflugt leiklistarstarf er á staðnum og á morgun verður frumsýnd glæný leiksýning. Við fengum góða gesti, þá Eirík Þórðarson leikara, Ólaf Hauksson leikara og Hallbjörn Rúnarsson tónlistarstjóra og sögumann.
Á morgun, Sumardaginn fyrsta, munu Samgöngustofa, Sniglarnir, Ökukennarafélag Íslands, Kvartmíluklúbburinn og Ökuskóli 3 standa fyrir Vorfagnaði bifhjólafólks við Ökuskóla 3 í Álfhellu í Hafnarfirði. Þetta er í þriðja sinn sem Vorfagnaðurinn er haldinn, en á fyrri viðburði mættu um 200 aðilar á hjólum sínum og komu þeir víðs vegar að af landinu. Ingólfur Snorrason frá Kvartmíluklúbbnum kom til okkar.
Tónlist:
GDRN - Ævilangt.
Van Morrison - Brown eyed girl.
Daði Freyr - I'm not bitter.
Mannakorn - Gamli góði vinur.
KK og Magnús Eiríksson - Óbyggðirnar kalla.
Elton John - Crocodile Rock.
