Hundraðsextíuogníu manns sem hefur verið synjað um alþjóðlega vernd á Íslandi eru skráðir horfnir. Lögregla fann fólkið ekki þegar átti að vísa því úr landi
Minnihluti sveitarstjórnar í Ölfusi hefur boðað til íbúafundar í kvöld vegna áforma um móbergsvinnslu í Þorlákshöfn. Tvö fyrirtæki sem stefna á atvinnuuppbyggingu í sveitarfélaginu deila um framhaldið.
Hátt í 500 lögreglumenn hafa lokið grunnþjálfun í notkun á rafbyssum og verða þær fljótlega teknar í notkun. Tilfellum þar sem lögregla þarf að vopnast hefur fjölgað á undanförnum árum.
Sá tími starfsmanna sem fer í ferðir úr landi á vegum vinnuveitanda skal teljast til vinnutíma. Að þessu hefur hæstiréttur komist, en dómurinn úrskurðaði í dag flugvirkja í vil í máli sem talið var fordæmisgefandi.
Forsætisráðherra Slóvakíu, Robert Fico, særðist lífshættulega þegar honum var sýnt banatilræði í dag. 71 árs karlmaður var handtekinn á vettvangi, en ástæða árásinnar er ekki kunn.
Illa gengur að selja erlendum laxveiðimönnum veiðileyfi í íslenskum ám í sumar. Erfitt efnahagsástand í Bretlandi, fréttir af eldgosum á Reykjanesskaga og umræða um strokulax úr sjókvíaeldi vega þar þungt.
Umsjón: Ævar Örn Jósepsson og Alexander Kristjánsson
Tæknimaður: Mark Eldred
Stjórn útsendingar: Valgerður Þorsteinsdóttir
