Lögregla hefur undanfarnar vikur lagt hald á tugi kílóa af fíkniefnum sem ganga kaupum og sölum á netinu. Innflutningur á kannabisefnum, sem varla hefur þekkst hér í áraraðir, er farinn að sjást aftur.
Hundruð hafa verið handtekin og ákærð í tengslum við óeirðirnar í Bretlandi, og fyrstu dómarnir féllu í dag. Meðal annars var karlmaður dæmdur í þriggja ára fangelsi fyrir sinn þátt í róstum í Southport, þar sem þrjár stúlkur voru stungnar til bana fyrir rúmri viku.
Maður, sem er ákærður fyrir hafa banað sambýliskonu sinni, er talinn hafa beitt hana miklu ofbeldi í aðdraganda andlátsins. Hann er einnig ákærður fyrir ofbeldi gegn konunni rúmum tveimur mánuðum fyrr.
Erfitt er að koma í veg fyrir að björgunarlið sé blekkt til leitar, að sögn aðstoðaryfirlögregluþjóns. Mannslíf séu mikils metin og öll neyðarboð njóti vafans.
Hvalur sem strandaði við smábátahöfnina í Þorlákshöfn í morgun er laus. Björgunarsveitarmenn í Þorlákshöfn náðu að draga hann á haf út þegar flæddi að.
Sérútbúið neyslurými var opnað í Reykjavík í dag og verður heilbrigðisþjónusta veitt þeim sem þangað leita. Heilbrigðisráðherra segir algera nauðsyn á slíku skaðaminnkandi úrræði til frambúðar.
Umsjón: Ævar Örn Jósepsson
Tæknimaður: Mark Eldred
Stjórn útsendingar: Margrét Júlía Ingimarsdóttir
