Kvöldfréttir

Dýrara að búa í borginni, vill forðast gengjastríð, mæla hraun með þrívíddardrónum

Maður sem bjó í þjónustuíbúð á hjúkrunarheimili í Grindavík borgar þrefalt meira fyrir sambærilega íbúð í Reykjavík. Ganga þarf á sparifé til að láta dæmið ganga upp.

Niðurstaðan í máli Julians Assange er táknrænn sigur að mati prófessors í fjölmiðlafræði, en segir lítið um stöðu fjölmiðlafólks.

Dómsmálaráðherra vill sporna við ofbeldi ungmenna og forðast gengjastríð, eins og algeng eru á Norðurlöndum. Stjórnvöld kynntu aðgerðaáætlun í dag.

Þrír starfsmenn rafhlöðuverksmiðju í Svíþjóð hafa, frá áramótum, látist á grunsamlegan hátt. Lögregla rannsakar hvort vinnuaðstæður hafi valdið dauða þeirra.

Nýja hraunið í Svartsengi verður myndmælt með þrívíddardrónum áður en ákvörðun verður tekin um það hvort, og þá hvernig, varnargarðurinn verði hækkaður.

Almenningur hefur flykkst út á götur í Kenía til að mótmæla umdeildum skattahækkunum. Skemmdir voru unnar á ráðhúsi höfuðborgarinnar Naíróbí og kveikt í þinghúsinu.

Frumflutt

25. júní 2024

Aðgengilegt til

25. júní 2025

• 00:01:02 Félagsþjónusta í Grindavík
• 00:02:13 Frelsi Assange táknrænn sigur
• 00:03:13 Aðgerðir gegn ofbeldi barna
• 00:04:43 Þrír látnir í Svíþjóð
• 00:06:08 Þrívíddarmæling fyrir varnargarð
• 00:07:43 Óeirðir í Kenía
• 00:09:02 Leikirnir á EM

Kvöldfréttir útvarps