Almannavarnaráðherra Svíþjóðar segir aðstoð standa til boða verði hennar óskað vegna hraðbrautarinnar sem fór í sundur norðan við Gautaborg í nótt. Almannavarnir Noregs hafa aðstoðað við leit og björgun í dag, en vegurinn liggur yfir landamæri ríkjanna.
Formanni bæjarráðs Reykjanesbæjar lýst vel á sameiningu við sveitarfélagið Voga. Hann telur fulla ástæðu til að kanna kosti sameiningar til hlítar og segir að tifinningar séu það eina sem standi í veginum.
Norsku kafararnir sem skutlað hafa eldislaxa í ám hér á landi síðustu daga náðu þrjátíu og einum laxi. Líklegt þykir að annað kafarateymi taki við í næstu viku.
Þingvallanefnd nýtti fyrr í sumar forkaupsrétt sinn að einu elsta sumarhúsinu í þjóðgarðinum, sem upphaflega var í eigu stofnanda Bifreiðastöðvar Steindórs. Þjóðgarðsvörður segir það skýrast á næstu vikum hvort sumarhúsið verði mögulega nýtt undir kaffihús.