Umferð í átt að höfuðborgarsvæðinu er líklega að ná hámarki að lokinni verslunarmannahelgi. Um og yfir átta þúsund bílar höfðu um fimm leytið keyrt um Vesturlandsveg og Suðurlandsveg hvorn um sig frá miðnætti.
Íslensk skipafélög sjá fram á milljarða króna aukakostnað við flutninga vegna nýrra ESB reglna um mengunarkvóta sem teknar verða upp hér á landi. Forstjóri Eimskips segir íslensk stjórnvöld ekki hafa staðið sig í hagsmunagæslu.
Náttúruverndaryfirvöld ræða þann möguleika að stýra umferð inn á viðkvæmustu náttúruperlur landsins. Engin ákvörðun hefur verið tekin. Á hverju ári er metið hvort innviðirnir þola álagið.
Ofsaveðrið Hans gengur yfir Noreg og fór að hvessa og rigna um hádegi í dag. Fréttaritari í Noregi segir ástandið verst í uppsveitum Osló.