Kastljós

Bjarni um verðbólgu, Pósturinn lokar átta starfsstöðvum

Verðbólga mælist yfir tíu prósent og hefur ekki verið hærri í fjórtán ár, þrátt fyrir ítrekaðar stýrivaxtahækkanir. Bjarni Benediktsson fjármálaráðherra boðar aðhald í fjármálaáætlun. Hvað felur það í sér? Og hvað um tekjuhliðina, á að taka upp bankaskatt eins og formaður fjárlaganefndar velti upp? Bjarni er gestur Kastljóss.

Afgreiðslustöðum Póstsins hefur brátt fækkað um helming frá aldamótum. Átta afgreiðslustöðum verður lokað síðar á þessu ári og verða þá 46. Af þeim átta sem loka í september eru tvö pósthús, í Mjódd og Ólafsvík, en einnig verður samningum um póstafgreiðslu sagt upp á sex þéttbýliskjörnum á landsbyggðinni , t.d. í Bolungarvík. Bæjarstjórinn segir breytinguna vera þjónustuskerðingu en forstjóri Póstsins segir aðrar lausnir auka þjónustu. Kastljós kynnti sér málið.

Frumsýnt

1. mars 2023

Aðgengilegt til

Rennur ekki út

• 00:00:43 Bjarni Benediktsson um verðbólgu
• 00:20:22 Pósturinn fækkar afgreiðslustöðum

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Dögg Auðunsdóttir og Viktoría Hermannsdóttir.