Kastljós

15 ára Grindvíkingar um ástandið, bæjarstjóri og varnargarðar

Þjónustumiðstöð fyrir Grindvíkinga var opuð í Tollhúsinu í Reykjavík í dag og lögðu fjölmargir leið sína þangað. Bæjarstjóri Grindavíkur, Fannar Jónasson, segir húsnæðismál hvíla þyngst á fólki enda sé útlit fyrir að íbúar muni ekki geta snúið til baka næstu mánuði.

Við hittum fjögur grindvísk ungmenni og spurðum hvernig unglingum úr Grindavík gengur að glíma við þá erfiðleika sem samfélagið þarf nú að takast á við. Þau ræða mikið um ástandið sín á milli og reyna að styðja hvert annað. Þau vildu helst fá að fara saman í skóla en dreymir um að komast aftur heim sem fyrst.

Við ræddum við Ara Guðmundsson, verkfræðing hjá Verkís, sem stýrir því risastóra verkefni að reisa rúmlega fimm kílómetra varnargarða til að freista þess að hindra það að hraun valdi skaða á mikilvægum innviðum í Svartsengi.

Frumsýnt

15. nóv. 2023

Aðgengilegt til

Rennur ekki út

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Dögg Auðunsdóttir og Viktoría Hermannsdóttir.