Kastljós

Lögregluvernd, dæmd til að selja eigin íbúð, Þuríður Sigurðardóttir

Á þriðja hundrað manns hafa fengið tímabundna lögregluvernd það sem af er ári, nærri því einn á dag. Þar á meðal var fjölskylda á Suðurnesjum, eftir að ungir maður í fjölskyldunni varð fyrir hrottalegri líkamsárás. Verndin sem fólki býðst er neyðarhnappur, öryggismyndavélar lögreglu settar upp við hús þeirra eða að fá sérstaka tengingu á síma sinn til að ná strax sambandi við lögreglu. Við fjölluðum um málið.

Héraðsdómur Reykjaness dæmdi í síðustu viku konu í fjölbýlishúsi í Engihjalla til flytja burt og selja íbúðina innan þriggja mánaða, vegna ónæðis og tjóns sem hún hafði valdið nágrönnum sínum undanfarin átta ár. Í apríl var öldruð kona dæmd til að selja íbúð vegna óhóflegrar ruslasöfnunar. Við ræddum við Tinnu L yngberg lögfræðing hjá Húseigendafélaginu, og Marlenu Piekarska, lögmann húsfélagsins sem sótti málið í Engihjalla.

Þuríður Sigurðardóttir var um árabil ein vinsælasta söngkona landsins. Um aldamótin sneri hún nótnablaðinu við og byrjaði að mála á það. Hún útskrifaðist úr myndlist frá LHÍ árið 2001 og hefur málað allar götur síðan. Á dögunum opnaði hún sýningu í Listasafni Sigurjóns Ólafssonar í Lauganesi. Titillinn er viðeigandi því hún ólst upp í gamla Laugarnesbænum steinsnar frá safninu. Kastljós leit á sýninguna.

Frumsýnt

1. nóv. 2023

Aðgengilegt til

Rennur ekki út

• 00:00:49 Lögregluvernd
• 00:07:55 Dæmd til að selja eigin íbúð
• 00:17:55 Þuríður Sigurðardóttir

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Dögg Auðunsdóttir og Viktoría Hermannsdóttir.