Kastljós

Kvennaverkfall, Samherjamálið enn í rannsókn, stafræn fatahönnun

Konur og kvár lögðu niður störf um allt land í dag og fjölmenntu á samstöðufundi á Arnarhóli. Kastljós ræddi við fundargesti á Arnarhóli í Reykjavík og á Akureyri.

Það eru liðin tæp fjögur ár frá því að Samherjamálið kom upp og Héraðssaksóknari hóf rannsókn á meintum efnahagsbrotum, peningaþvætti og mútugreiðslum til Namibíumanna. Ólafur Þór Hauksson héraðssaksóknari sagði í fréttum RÚV í nóvember í fyrra að rannsóknin væri langt komin og að það styttist í að henni lyki. Hún stendur hins vegar enn, núna tæpu ári síðar. Kastljós settist niður með Ólafi og spurði hann hvað væri eiginlega að gerast í málinu.

Stafræn fatahönnun er að verða sífellt fyrirferðarmeiri í tískugeiranum. Hún er bæði til þess fallin að draga úr sóun á textílefni og getur opnað á ný tækifæri, sérstaklega fyrir smærri hönnunarfyrirtæki. Við kynntum okkur málið.

Frumsýnt

24. okt. 2023

Aðgengilegt til

Rennur ekki út

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Dögg Auðunsdóttir og Viktoría Hermannsdóttir.