Leikið af geisladiskum Kammersveitar Reykjavíkur í tilefni 50 ára afmælis sveitarinnar.
Í þessum þætti hljóma verk eftir Huga Guðmundsson af geisladiskinum Windbells sem út kom á síðasta ári og einnig hljóma verk af heildarútgáfu Kammersveitarinnar og Jaaps Schöders á Brandenborgarkonsertum Johanns Sebastians Bachs frá árinu 2000.
Leikin eru eftirfarandi verk:
Equilibrium IV: Windbells (2005) eftir Huga Guðmundsson. Félagar úr Kammersveit Reykjavíkur leika. Stjórnandi er Asbjörn Ibsen Bruun.
Lux fyrir flautu og rafhljóð (2009/2011) eftir Huga Guðmundsson. Áshildur Haraldsdóttir leikur á flautu. Melkorka Ólafsdóttir leikur á flautu í rafhljóðum.
Þrír söngvar úr Hávamálum II (2014/2021) eftir Huga Guðmundsson. Hildigunnur Einarsdóttir mezzósópran syngur með Kammersveit Reykjavíkur. Stjórnandi er Rúnar Óskarsson.
Söngvarnir sem hljóma eru: Ungur var eg forðum, Mildir, fræknir og Voðir mínar.
Brandanborgarkonsert nr. 1 í F-dúr BWV 1046 eftir Johann Sebastian Bach. Kammersveit Reykjavíkur leikur undir stjórn konsertmeistarans, fiðluleikarans Jaap Schröder. Einleikari á fiðlu er Rut Ingólfsdóttir.
Þættirnir verksins eru fjórir:
1. Allegro
2. Adagio
3. Allegro
4. Menuetto - Trio - Polacca - Trio
Allegro, fyrsti þáttur úr Brandenborgarkonserti 4 í G-dúr BWV 1049 eftir Johann Sebastian Bach. Kammersveit Reykjavíkur leikur. Einleikarar eru Rut Ingólfsdóttir á fiðlu, og flautuleikararnir Martial Nardeau og Guðrún Birgisdóttir. Leiðari og stjórnandi er Jaap Schröder.
