Sumarbókavika er í gangi þessa vikuna og er haldin að frumkvæði Félags íslenskra bókaútgefenda meðal annarra. Tilgangurinn er að vekja athygli á þeirri fjölbreyttu útgáfu nýrra bóka sem út hafa komið í ár og að bókaútgáfa er líka blómleg hér á landi á öðrum árstíma en fyrir jólin. Þegar hafa komið út á árinu nálægt 200 titlum. Heiðar Ingi Svansson, formaður Félags íslenskra bókaútgefenda, kom í spjall.
Hvað eiga skipsbjörg og King Kong sameiginlegt? Okkur skilst það tengist einkaleyfum en Björn Berg Gunnarsson leiddi okkur í allan sannleikann um það
Mikið hefur verið rætt um íslenskuna okkar allra undanfarið og fékk umræðan byr undir báða vængi í gær þegar að pistill Sigríðar Hagalín vakti mikla athygli. Þá tók botninn úr þegar að umræða um arfaslakar gervigreindarþýðingar fór á flug. Lilja Alfreðsdóttir menningar- og viðskiptaráðherra kom til okkar að ræða málið.
Þá eru forsetakosningarnar frá, þinglok eru í næstu viku og jafnt umdeild og veigamikil frumvörp bíða afgreiðslu næstu daga. Næst samstaða um málin og hvernig fara Vinstri græn í sumarfrí með nýjasta þjóðarpúls upp á 3,3% fylgi á bakinu? Við ræddum þetta og margt fleira við Eirík Bergmann.
Við ræðum það hvernig þrek barna getur haft bein áhrif á andlega líðan þeirra. Þrek 15 ára ungmenna versnaði almennt á milli áranna 2003 og 2015 en þau ungmenni sem eru með gott þrek glíma síður við einkenni þunglyndis og kvíða og hafa betri líkamsímynd og sjálfsálit, sérstaklega stúlkur. Þetta kemur fram í nýbirtri vísindagrein Óttars Guðbjörns Birgissonar, doktorsnema við Deild heilsueflingar, íþrótta og tómstunda á Menntavísindasviði, í erlendu vísindatímariti. Hann kom til okkar.
Þessa dagana fer fram ráðstefna hagsmunaaðila úr fiskeldisiðnaðinum hjá Arion banka. Fjöldi framsögumanna, þar á meðal forsætiráðherra, koma þarna fram. Við heyrðum í Dr. Ragnheiði Ingu Þórarinsdóttur, rektor Landbúnaðarháskólans, sem flutti sitt erindi á ráðstefnunni í gær sem bar yfirskriftina Samfélagslegt samþykki fyrir fiskeldisiðnaðinn. Hún ætlar að segja okkur nánar frá því sem kom fram hjá henni.
Lagalisti:
Salka Sól Eyfeld - Sólin og ég
Kiriyama Family - Disaster
WHAM! - The edge of heaven
KK - Kærleikur og tími
Elín Hall - Manndráp af gáleysi
The Source ft. Candy Staton - You Got The Love
Ylja - Á rauðum sandi
