Kastljós

Sjúkraflug frá Spáni, viðbrögð Sjúktatrygginga, Chef Kabui

Gísli Finnsson, sem er fastur með heilaskaða á spítala á Spáni, er ekki eini Íslendingurinn í þeirri stöðu. Sigurður Kristinsson er 71 gamall Akureyringur sem býr hluta úr ári á Torrevieja. Um miðjan ágúst fékk hann heilablæðingu úti og var lagður inn á sjúkrahús. Þar er hann enn, þrátt fyrir tilraunir fjölskyldu hans til að koma honum heim en hún kemur að lokuðum dyrum hjá Sjúkratryggingum hvað sjúkraflug varðar. Kastljós ræddi við dætur Sigurðar.

Mörgum kemur á óvart að Sjúkratryggingar Íslands greiði ekki sjúkraflug fyrir veika eða slasaða ríkisborgara erlendis sem þurfa að koma heim til Íslands. Kastljós hitti Maríu Heimisdóttur, forstjóra Sjúkratrygginga Íslands, og spurði hverju sætti.

Chef Kabui er kenískur kokkur sem kom til Íslands á dögunum til að tala fyrir því sem hann kallar matarlýðræði, matarlæsi og réttinn til aðgengis að hollri og lífrænni fæðu. Við kynntum okkur þessa hugmyndafræði.