Kvöldfréttir útvarps

Eldur í Gufunesi, kostnaður við upplýsingamiðstöð, mótmæli í Íran

Allt tiltækt slökkvilið á höfuðborgarsvæðinu berst við mikinn eld sem kviknaði í skemmu í Gufunesi um klukkan fimm.

Um 400 þúsund erindi bárust upplýsingamiðstöð heilsugæslu höfuðborgarsvæðisins á síðasta ári, kostnaðurinn við hana tæplega þrefaldaðist á milli 2023 og 2024.

Mannréttindasamtök segja að minnnsta kosti sexhundrað fjörutíu og átta mótmælendur hafa látist í mótmælunum í Íran.

Læknir hjá Klíníkinni óttast að bið eftir aðgerð þar vegna endómetríósu lengist að óbreyttu í allt að tvö ár. Í fyrra var sett viðbótarfjármagn í að fjölga aðgerðum til að stytta biðlista.

Nýskipaður þjóðaróperustjóri segir að með stofnun óperunnar skapist mikið tækifæri til að efla menningarlíf hér á landi. Meðal fyrstu verkefna verður að móta dagskrá og ráða söngvara til starfa.

Umsjón: Erla María Markúsdóttir og Ævar Örn Jósepsson

Tæknimaður: Mark Eldred

Stjórn útsendingar: Þorgerður Anna Gunnarsdóttir