Tugir þúsunda komu saman um allt land í tilefni af kvennafrídeginum. Konur og kvár lögðu niður störf og hittust á samstöðufundum. Um 50 þúsund mætu á Arnarhól, 50 árum eftir fyrsta kvennafrídaginn sem braut blað í sögu jafnréttisbaráttunnar.
Lögreglan fékk ekki heimild dómstóla til að koma fyrir leynilegum upptökubúnaði í húsi í Reykjavík þar sem grunur var um skipulagða vændisstarfsemi.
Tíu manna sendinefnd íslenskra heilbrigðisyfirvalda ferðast um Norðurlönd með það fyrir augum að laða íslenska lækna aftur heim. Hún heldur kynningar á nýjum kjarasamningi í fjórum borgum í Svíþjóð og Danmörku.
Auka þarf pressu á Rússa að hætta stríðsrekstrinum í Úkraínu, sagði forseti Úkraínu að loknum leiðtogafundi þjóða sem styðja landið. Forseti Rússlands hefði engan áhuga á að semja um frið.
